VALLASKÓLI ER SIGURVEGARI SKJÁLFTANS 2025

SKJÁLFTINN 2025

Skjálftinn, hæfileikakeppni sunnlenskra ungmenna fór fram í fimmta sinn í gærkvöldi í Íþróttahúsinu í Þorlákshöfn sem breyttist í glæsilegt menningarhús á einum sólarhring.

Keppendur mættu frá Grunnskólanum í Vestmannaeyjum, Grunnskólanum í Þorlákshöfn, Grunnskólanum í Hveragerði, Sunnulækjarskóla, Vallaskóla og Reykholtsskóla.

Það var einstök tilfinning að sjá krakkanna stíga á svið og flytja sköpunarverkin. Stemningin var engu lík.

Listamaður SKJÁLFTANS 2025 var DILJÁ og flutti hún Skjálftalagið POWER og ætlaði þakið hreinlega að rifna af húsinu!

Þegar að verðlaunaathöfn var komið, var ljóst að VALLASKÓLI bar sigur úr býtum við gífurleg fagnaðarlæti!

Við óskum Vallaskóla hjartanlega til hamingju með verkið - Litríkir Skuggar - með stóra sigurinn!

Annað sætið hlaut Grunnskólinn í Hveragerði fyrir verkið Þori, get og vil.

Í þriðja sæti var Reykholtsskóli með verkið Steríótýpur.

Allir þátttakendur lögðu hug og hjarta í undirbúning og var afraksturinn stórglæsilegur og eiga krakkarnir hrós skilið, hver einn og einasti!

Allir hóparnir geta verið stoltir af sínum flutningi enda var kvöldið stórkostlegt!

 Án hæfileika ykkar væri Skjálftinn ekki mögulegur! Takk fyrir okkur!

Áfram Skjálftinn og áfram ungt fólk!  

UNGT FÓLK ERU RADDIR FRAMTÍÐARINNAR!

---

Á næstu dögum verða birtar fleiri myndir frá öllum deginum og sjónvarpsupptökur verða að sjálfsögðu sýnilegar á UngRÚV innan skamms! Allt um það hér á næstu dögum!

Enn og aftur þökkum við fyrir okkur, við þökkum stórkostlegum þátttakendum, leiðbeinendum, tækniteymi hátíðarinnar, dómurum, kynnum, verkefnastjórum, framkvæmdastjórn og öllum þeim sem komu til aðstoðar við að styðja ungmenninn í listsköpun!

--

Myndir: Dagný Dögg Steinþórsdóttir

@skjalftinn

#skjalftinn2025 #skjalftinn #ungruv