![](https://static.wixstatic.com/media/a2f9a2_06511f6314e74bc2a2551119cc121e72~mv2.jpg/v1/fill/w_147,h_147,al_c,q_80,usm_0.66_1.00_0.01,blur_2,enc_auto/a2f9a2_06511f6314e74bc2a2551119cc121e72~mv2.jpg)
Ekki óraði Skjálftanum fyrir því að covid væri ennþá að gera okkur brjáluð þegar það færi að vora. Hann taldi sér trú um að á þessum tíma væru Íslendingar bólusettir og búnir að kæfa þessa veiru í eitt skipti fyrir öll. En eins og þið vitið öll þá er ástandið ekki alveg svo gott og það hefur verið ákveðinn titringur í kringum Skjálftann sem er hálf ringlaður í þessu ástandi.
Hann spyr sig; Mega vera áhorfendur? Hversu margir? Ef það mega ekki vera áhorfendur mega þá liðin frá hverjum skóla hittast? Þetta eru spurningar sem hann hefur ekki svör við á þessum tímapunkti en það skýrist örugglega eitthvað á allra næstu dögum þegar Þórólfur og félagar kynna nýjustu tilslakanir. Þá er hægt að ákveða í hvaða átt á að stefna.
En eitt er víst, Skjálftinn lætur ekki bugast. Það er feiknar kraftur í honum, álíka mikill kraftur og í eldgosinu í Fagradalsfjalli, enda byggður upp af einstaklega jákvæðum skólastjórum, lausnamiðuðum verkefnastjóra og algjörlega frábærum unglingum sem eru öll á fullu að setja saman atriði. Svo er hann líka með svo góða samstarfsaðila, því RÚV verður á staðnum og ætlar að streyma keppninni á ungruv.is
Þetta verður geggjað sama hvernig fer!
![](https://static.wixstatic.com/media/a2f9a2_b2cd05b1579349f58d37cb68a50f43b3~mv2.jpg/v1/fill/w_147,h_66,al_c,q_80,usm_0.66_1.00_0.01,blur_2,enc_auto/a2f9a2_b2cd05b1579349f58d37cb68a50f43b3~mv2.jpg)